ស្រណោះចុងផ្ដៅ

 🌷ស្រណោះចុងផ្ដៅ🌷

ឱះឱ!ចុងផ្ដៅ          កែជនពីខ្លៅ       ឲ្យទៅជាប្រាជ្ញ

ស្ដីវាយប្រដៅ        លុតចិត្តបិសាច      ចិត្តខ្លៅកំណាច

      កាចដោយក្ដីល្ងង់។

វាយខ្លះស្ដីខ្លះ         ស្ដីឲ្យស្រឡះ        កុំឲ្យលិចលុង

វាយដោយចុងផ្ដៅ   វាយឲ្យបាត់ល្ងង់    វាយសាងពូជពង្ស

   ពូជប្រាជ្ញបណ្ឌិត។

វាយកុំឲ្យខូច         វាយសិស្សកំហូច       វាយឲ្យល្អពិត

វាយប្រៀនប្រដៅ      ឲ្យជាបណ្ឌិត    វាយដោយទឹកចិត្ត

 ស្រឡាញ់មេត្តា។

ធី សុគន្ធា (ពន្លឺ បញ្ញា)